En er wás locht ....

Hoe zul dat wezen, aj oet duuster Oekraïne vlucht….

Oet een donker oologslaand, hen een Drèents gehucht.

In het kleine Nederlaand koj berooid te hoop.

Waor overal het kerstlocht braandt…as old symbool van hoop.

 

Hoe zul dat wezen aj oet donker Oekraine komt…

En aj dan ziet dat hier verdorie ók het licht verstomt…

De Sliener toren stiet in’t duuster. Net as’t MFC,

Solidair met die niet rond kan kommen.

Ik snap wal het idee,

maar wordt wij van die actie nou echt wiezer allemaol?

Is hier niet het middel veul arger dan de kwaol?

 

Kerst lat oes weer hopen op een nei begun.

En held’re ster die stralend an de hemel stun.

Het duuster wordt verdreven deur lichties overal.

Zo kriew weer zin an ’t leven. Een lampie in de stal.

Want Jezus is geboren, zo as de engel zee.

Behalve rond de toren en bij het MFC.

Daor blef het eerde donker. Gien hoop, gien troost, gien licht.

En da’s in dizze dagen toch wal een triest gezicht.

Ik weet niet wel er over giet, maar ik zul zeggen: ‘Luuster,

Kerstfeest is een feest van licht.

En zéker niet van duuster!

 

                                                                                            Henderkien

Naar archief