|
|
De erpel bint deroet, dus euliebollen eten in Slien!
SleenWeb - 10 november 2009
Het is een goed gebroek as de erpel der oet bint daw dan euliebollen kriegt.
Dat was in verleden zo en zo wordt het dit jaor ok.
Oeze echte bakker is een man die graag wat veuroetboeren wil en hie hef zuch nije bakmesienes anschaft. Hie dacht bij zichzölf aj vernijen wilt, daj dan ok wal ies een keer naor het verleden kieken moet. Vrogger kregen de mensen euliebollen as de erpel deroet waren. Hie hef bedacht dat de erpel op zaoterdag, 14 november ankommend, deroet bint in Slien en umgeving en hie giet daorum euliebollen bakken.
Nou komp er vanzölfs nog wal een klein verhaoltie bij, want het is ok een beetie een oefening veur de kommende jaorwisseling. Het wordt dan aans as aans.
Over het hoe en waorum kriej almaol nog bericht. Het schient een hiele reurigheid te worden op oes winkelplein in Slien. Der mot oefend worden met de nije bakmesienes en met de nije vrijwillige metwarkers. Dat doet ze ankommende zaoterdag!
As der euliebollen bakt wordt, moet die eigenlijks ok verkocht worden; doe dus maor net oj de erpel er oet hebt en kom zaoterdag naor het winkelhart van Slien veur een puut euliebollen( of die bekende kwarkini’s).
Zaoterdag 14 november 2009 bie oeze echte bakker in Slien!
Nieuws archief
|
bekijk volledige agenda
|
RSS